Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo vré masson.

Mézami, mi panss zot konm mwin ni koné kozman-la é pa arienk yèr osinonsa jordu.Dé k’mwin la trape mé konéssans, mwin la antande kozman-la. Mwin la pèr é mi krin kozman-la.

Pou kossa ?

Pars mwin la touzour antande Bondyé lé bon é oila ké pou nou kréol i ariv ké li pini galman .Mé kissa li pini,li pini pa lo rosh sa lé sir pars d’apré mwin in rosh néna poin konssyans sak li fé, li koné pa lo bien, li koné pa lo mal .Ala pou kossa bondyé i pini pa li.

D’apré mwin kozman-la i vé dir konmsa bondyé i pini sak i mérite, pou bande movèz zakssion zot la fé, sansa mèm par raporte zot mové zintanssyon. Mi vé pa fé pèr azot kante mèm zot pé rofléshi dsu sète afèr-la.

Alé ! Ni artrouv pli d’van.Sipétadyé.