Oté

« Bondyé la piss dsi son tète ! »

In kozman pou la rout

Justin / 30 novanm 2017

JPEG - 43.6 ko

Moin lé sir in pé lé riskab di moin na in mank réspé par raport Bondyé. Poitan mi pé dir azot moin lé réspéktyé oar raport bondyé. La pa mon fote si la ang kréol lé plin la malis ! an touléka, sak mi di sé in bon n’afèr. Sé in n’afèr i donn la bone shans. Romark in tan té i di : « Bib la piss dsi out tète ! » mé mi trouv lé myé kan i di lo mèm z’afèr avèk Bondyé an sipèr éro. Avèk Bondyé ou i pé domann in bon bénédiksyon, ou i pé doman prann in é out problèm an protéksyon... Sé l’èr mon prop l’édikasyon i pran pouvoir dann mon tète : kosa mon l’édikasyon i di, li di i fo fé lo bien mé arien atann an rotour. Pou moin sa in prinsip La vi dopi étan pti é lé touzour parèy dsi mon vyé zour. Alé ! mi lèss azot réfléshi la dsi é ni artrouv pli d’van sipétadyé.