Fé pèy moin shèr le boug i ashté in loto i polié pa tro, é taxe sat i ashté bann gro loto-la boukane, ala kosa le minist lékolozi la fé konèt. Toute zournal la anparlé. La réklame i mank anou !

Lo prinsip fé pèy sat i polié lo plis la pa in mové zafèr. Mé èske sé forséman le 4x4 ? Anplis, in gro zozo nan in 4x4 pou amiz ali, li nora touzour la posibilité rabate ali si inn ot bonb roulante. Mi kroi pa sora forséman lo ka pou bann bazardié i sorte détroi foi par semène pou vann zot légume !!

Mé dé zour apré se sinéma, Raffarin an pèrsone i monte o kréno pou di : atansion, la pa ankor désidé. In promié minist i dédi piblikman son minist. Sèrtènman in malis’ pou Lepeltier mé, mon lavi, la pa d’sito na gingne in bonis’ èk gouvèrnman l’UMP !!!

Justin