Mézami bande kozman mwin la marke an-o la i prétan amontre la politèss i serv pa granshoz késtyon d’litilité dann la vi ékonomik, é dann la vi tou kour. Mwin lé sirésèrtin néna bonpé demoune i panss lé shoze konmsa.

Mé a bien kalkilé ni koné la politèss lé né avan nou, é même si lété in règloman i amélyore pa noute kotidien, èl lé itil pou la vi an sossyété. Pou rouv lo pa d’porte i vo myé di bonjour é si ou la domande in n’afèr é ké la donn aou, i vo myé di mèrssi.

Astèr kan i di i ansèrv de rien, i fo bien rofléshi : pou in négossiasion i vo myé in bon klima i instal é pou sa la politèss néna son rol. Antansion kant même, politèss i vé pa dire onèkté, é i di ossi : « Tro poli pou ète onète. ».

Ala pou kossa, mi invite azot bien rofléshi dann in késtyon komsa é ni artrouv pli d’ van-sipétadyé.