Médame, zé méssé, la sossyété, koz èk mwin sé koz èk in kouyon, mé sé o pé d’lo mir ki oi lo masson.

Mézami zordi nou lé moi d’novanm. Normalman la sézon dé plui i tarde pa pou komanssé. Pa la plui livèr i tonb konm a rogré avèk son grin fré dsi la po an shèrpoul, mé an gro grin i bonbarde é vitman vitman i ranpli la ravine dopi dan lé-o ziska dan lé ba. Momandoné la ravine i koul bor-an-bor.

Mon kèr ossi i koul bor-an-bor kan mon pti zanfan i pran amwin pou dépoze son pti sogré... é mon vèr siouplé ? Pa pli o k’lo bor.

Alé ! ni obliye kozman konmsa é ni rotrouv pli d’van. Sipétadyé.