In kozman pou la route

« Boudin dann vante koshon. » 

3 décembre 2022

Médam, méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami mi rapèl in shanté par lo group ziskakan si mi tronp pa téi parl démarshèr- lo moune k’i sava kaz an kaz pou vande so marshandiz sansa pou plass lo marshandiz .Mi rapèl pi bien pou kossa, momandoné, bonpé d’moune téi fé pa kanfyanss banna..Mé sa i romonte.

Donk la shanson téi di : « Assé tir sossiss kui dann vante koshon » -sossiss osinonsa boudin, sa lé pa loin inn par rapor a l’ote. Mé boudin dann vante koshon, konm diré l’ote, sa lé pa kui d’avanss , sa lé pa sir d’avoir é sé pou sa k’i fo méfyé.

Alé ! mi kite azot rofléshi la dsu é ni artrouv pli d’van. Sipétdyé.


Signaler un contenu

Un message, un commentaire ?


Témoignages - 80e année


+ Lus