Mézami, mi rapèl in zistoir mwin la lir dann zistoir Kristian. Téi di konmsa : « Légzaminatèr la domande amwin si mi kroi li sava done amwin in bon note. Mwin la di oui é oila lo boug bandé an trant-sis ».

Mwin pèrsonèl mi koné pa tro oussa kozman-la i sorte. Trant-sis ? Sa inpèryode in pé révolissyonèr sa é bande travayèr lété pa kontan mé pa kontan ditou, ziska ranvèrs pouvoir la droite. Pétète alors sé sa, ni rotien zordi konm pou anparl la kolèr in moune mé lé pa sir ditou.

Toutfasson, kozman-la ni koné ali ankor, ni rotien ali, ni anploiye ali donk li fé parti noute kréol rényoné.

Alé ! Mi kite azot rofléshi la dsi é ni artrouv pli d’van. Sipétadyé.

Justin