Mézami néna in provèrb franssé i di konmsa : « pauvreté n’est pas vice ». Dann noute kozman kréol lo zé d’mo i porte dsi « vice » — in mové défo — avek « viss » — in pyèss l’azistaz. Avèk nou lo zé d’mo néna touzour son linportanss.

Li fé pass in kritik pou in plézantri, é la pèrssone kritiké lo zé d’mo sa i pé amiz aèl sinploman plito ké mète aèl an kolèr. Tanka lo moune la fé son plézantri li pé z’ète kontan avèk zé d’mo li la trouvé sansa li la ropran sa dann kozman in n’ote.

Alé ! Mi kite azot rofléshi dsi noute bann mékanism langaj, dsi noute bann zé d’mo, é ni rotrouv pli d’van, sipétadyé.

Justin