Médam zé méssyé, la sossyété koz èk mwin sé koz èk in kouyon mé sé o pyé d’lo mir k’i oi lo masson.

Mi koné pa si zot-bande nouvo rényoné-zot i koné ankor vèrb « bern.. berné ». Pars pé s’fèr i anploye pi souvan vèrb-la. Koméla mi antan lo vèrb «  roulé  » konm dann « roul dan la farine » .Mi antan galman « tronp... tronpé » konm dann franssé. I pé di ankor : roul in moune in pate koshon. « taz..tazé », « foute dodan »....

Zot i koné pou di dé shoz konmsa,dann toute lang demoune néna limazinassion é l’imazinassion lé o pouvoir pliss pou di movèz shoz ké bone shoz. Parl pi dann in lang konm la n’ote demoune i yèm bien invanté, fabriké , kréé bande mo avèk bande lésprèssion.

Alé ! mi kite azot rofléshi la dsi é ni rotrouv pli d’van. Sipétadyé.