Mézami ala in kozman kréol Louizane. Sirman sa i di azot kékshoz. Néna dé-troi zour mwin la di avèk zot : Lo shate i tir maron dann fé, mé sé lo Sinz k’i krok. Sa i vé dir ninport kèl landroi wi lé, néna inn i travaye é l’ote i anprofite.

Alor mézami, lé bien travaye pou gagné mé antansyon lésploitèr pars néna touzour inn é pa tro loin siouplé. Figuir azot in zour, mwin la gingn in méssaz la Kote d’ivoire. Méssaz-la téi di : in boug néna in léritaz dann son péi, mé i mank ali larzan pou pèye notère — prète ali apré li kass an dé, rik-rak. Mwin la pa réponde, mé mwin lé sir si li la pa plime amwin, li la plime in ote. Demoune i yème si tèlman larzan !

Alé ! Mézami, rofléshi bien la dsu é ni artrouv pli d’van. Sipétadyé.

Justin

* Kabri i fé kui l’alo, mé sé lapin k’i manz.