Sé pa si zot i koné pagot, sa in plant i kour atèr, na pti flèr jone é zépine parl pi ! Si ou la marsh pyé tou-ni la-dsi nana pou gouté. I paré gouvèrnèr Fleurimond la fé vnir sa Bourbon pou obliz bann kolon, olèrk marsh pyé ni, ashète bann godass avèk la konpagni dé z’ind pou protèj z’ot pyé- !! Mé i paré sé in lézann é pa in vérité. Fleurimond té pa in bonbon koko, li té vyolan é tout mé li noré pa fé sa... Bon pou sa mèm épi si ni arvien dsi nout kozman sé pou dir napoin bonpé la nouritir dann zèrb-la é poitan bourik téi manj sa, si li l’avé poin otshoz.

La moral sé k’i fo kontant aou avèk sak ou nana é alé pa rod midi a katorzèr. Sa sé in bon moral, mé sanm pou moin sé in prédikasyon pou la rézignasyon é sa la pa révolisyonèr... Zot i pans pa ?