In kozman pou la route

« Bourik i manz pagote ziska ! »

4 zanvié, sanm Justin

Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, mi panss zot i koné pagote kossa i lé ? Kan wi oi son zoli flèr jone, wi koné pa li lé kapab pike aou konmsa. Poitan son zépine la pa inn toussèl sé in groupman d’zépine é li néna pou kontante aou si wi marsh dossi pyé tou ni.

Par l’fète, zot la antann dann boute listoir pou kossa néna pagote La Rényon ? I paré demoune téimarsh pyé ni é dann magazin gouvèrnman l’avé bonpé godass si tèlman lo gouvèrnèr — in sèrtin Flacourt — la fé plante pagote dann l’arondisman Sin-Pol pou obliz demoune ashté soulyé.

Astèr noute kozman, li vé dir, wi fé avèk sak ou néna pars wi pé pa fé otroman

Alé ! mi kite azot rofléshi la dsi éni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?