Médam, zé Méssyé, la sosyété, koz èk mwin sé koz èk in kouyon, mé sé o pyé d’lo mir k’I oi lo masson. Mézami, zot I koné, I fo méfyé lo laparanss, èl I tronp aou bien souvan. Tèl k’I akèye aou bien,wi romark vite li lé pa la avèk ou. Tèl k’i akèye aou mal, la pa toultan li néna mové santiman pou ou. Donk ni pé dir, boush an myél la pa touzour kèr an fyèl, parèye boush an fyèl i ariv la pa toultan kèr an myèl.Donk nou va di sé suivan lé ka mé an touléka i fo suiv l’afèr in bon koup de tan pou démaye lo bon avèk lo mové. Issi La Rényon ni koné in pé i yèm rafoulé mé la pa pou sa zot lé forséman mové. Toute fasson mi pans pa sa i mézir avèk in montr konékté. Myé dizon la pa otomatik. Alé ! Mi kite azot rofléshi la dsi é ni artrouv pli d’van. Sipétadyé.

NB i pé dir ossi : - I ral pa moush avèk vinèg - mé mi pans zot I koné bien sa.