Koze èk mwin sé koze èk in kouyon mé sé o pyé d’lo mir k’i oi lo masson.

Mézami, zordi mwin la rode in provèb lafghanistan – in pyé d’né par raporte sak i éspass laba mé pétète sé in n’afèr bien éfémère avèk la sivilizasyon dann péi-la. L’afghanistan, mézami, i paré sé in zoli péi, avèk in sivilizassion briyante bazé dsi in vi komune sur in paké d’syèkle, ziss assé pou bande zamérikin pa bien konprann ali pou vréman, avèk an pliss dann lidé ké la sivilizassion amérikène sé sak néna do myé dan lo monde. An parmi bande provèrb mwin la pran inn i pé z’ète vré partou pars partou oussa wi pé passé, la parol largué dan lo van, si li lé an arzan, lo silanss sar touzour an or.

Alé ! Mi kite azot rofléshi la dsi é ni artrouv pli d’van. Sipétadyé.