Devine ! Devinaye !
Kisa la pran la tèt pou La Rénion départman fransé ? Kisa la domann la retrèt pou bann vyë, zalokasion familial, lo soin doktèr pou tou l’moun, lékol pou tout marmay ?
Kisa lété kont ?

Kisa la vanj pou nout listoir, nout kiltir, nout lang kréol ; kisa la dmann i mèt an l’èr nout bann zansèt zésklav, z’angazé, blan kivi, ti kolon épi ossi nout bann moun valab ? Kisa la tir maloya, kabaré dann fénoir pou mèt sa dan la limyèr ?
Kisa la vouli touf sa ?

Kisa la lit pou la démokrasi, kont la frod dann zéléksion, pou la défans bann san défans, pou la solidarité avèk bann pèp kolonyalizé ?
Kisa la vanz pou fé rès anou dann fénoir ?

Kisa la vouli la mézon dé sivilizasion, lo tram-trin, la rout tamarin, lo plan pou lotonomi dann lénèrji, lo dévlopman dirab, la protéksion la natir ?
Kisa i ral déyèr ?

Devine ! Devinaye !
In koté, nana parti kominis, avèk bann moun bone volonté. L’ot koté nana... Oi zot mèm ! Solman, nout listoir sé nout listoir, la poin bonpé pou triké. Nout lavnir, zour apré zour, li l’apré énèt dovan nou. I gingn boush lë zyé dmoun, pou in néstan, i gingn pa boush pou toultan.

Justin