Oté

« Bouz pa l’bato ! »

In kozman pou la rout

Justin / 12 avril 2018

JPEG - 43.6 ko

Moin lé sir konm moin zot la fine antann kozman-la, pétète mèm zot i anploiye ali tazantan.Tazantan kan i vé alé tro vite dann in n’afèr tèlman k’i pé kass lo konstriksyon dsi son baz. In pé i pé di : konm lé shoz i lé ,sa lé pa bon, mé i fo pa pran lo risk pou détrui tout. Mi koné demoun i di-san pansé mi éspèr pou zot !-zot lé révolisyonèr, mé kan ou tizone azot in pé ou i romark zot i vé pa shanj granshoz. Bann fransé i di : i fo pa fé d’vag !Bann rényoné i di : bouj pa l’bato ! Inn é l’ot sé topète morète, mé inn é l’ot i fé pa avans lo bato. Sé l a ké lé shoz i klosh pa. Alé ! Mi kite azot pou rofléshi la dsi é ni artrouv pli d’van. Sipétadyé !