Banna la pa fé tro dézord, mem si zot la konpri, bonèr-bonèr, inn-dé té paré pou koup zot kolé.
Zot té fé lantrëtien la foré "Bois de couleurs" : zot té i fé in bon boulo. Toulmoun lé dako. Solman kan la méri Sintzoz, la dëmann lë départman, pou lï fé lë soin së foré-la, konsèy jénéral la di oui.
Ala lë pièj lé maté, bann bélier, na pï boulo pou donn 44 moun i travay èk zot.
Banna la pa pèrd kouraj : zot lavé konfians sak zot té i fé, lété bon pou lanvironnman, lété bon pou zot vik téi fé viv azot in pë épi zot famy.Zot lavé konfians zot résponsab.
Depï moi d’déssanb, zot la komans boujé : oir konsèy jénéral, oir sous-préfé, oir konsèy jénéral, oir l’ONF, aroir ankor, fé lë tour toussa dmoun. Ziskatan i di azot rod zot mem in foré pou zot fé lë soin, zot la rodé.Epi, zot la trouvé.
Ala, zot i rann azot kont par zot mem na riyink la réjion i joué pa an bob avèk zot épï lé z’ot i komans ézité. Pou finir zot i gingn in sïrsi sü in an, épi in promèss pou lané 2008.
Alor, bravo bann bélier ! Sé zot la fé rëviv léspoir.Bravo pou la réjion ! Pa pou bann san ont, la mat pièj pou bann bélier.

Justin