Souvan dé foi, ou i antann kozman-la an parlan d’ zanfan. Mi ansouvien ankor zordi, mèm si lo tan la pasé, in vyé mémé nout famiy té i koné té i di an parlann inn an parmi mon bann zanfan : « Sa in marmaye kalou ! ». Sansa èl té i di : « Sa un marmaye néna bone tète ! ». Pou dir kosa ? Pou dir li aprann bien l’ékol, sansa li lé kapab trouv in tik-tak pou fé in n’afèr… in zanr Mak Gyvèr, konm i di. Moin pèrsonèl, mi pans tout zanfan épi tout demoun i pé an avoir shakinn son fason in bon gouté : solman i fo la sosyété i rokoné lo gouté é sa i kontant lé z ‘inn épi lé z’ot. Sirtou pa dévaloriz in moun ! Alé ! Mi lèss azot rofléshi la dsi é ni artrouv pli d’van sipétadyé.