A bien kalkilé, mi oi o-moins dé sans pou kozman-la. Dann in promyé ka i pé di, souvan dé foi demoun i oi z’ot pasé pli bèl ké li lé pou vréman : « Dann tan lontan la ma fiy ! Dann mon jene tan la ! ». Zot i sézi l’afèr : sa i apèl « la nostalzi. » Mé i pé an avoir in dézyèm sans : ou i viv a l’ékonomi pou fé in méyèr l’avnir pou ou sansa pou out z’anfan. Sak ou la ramas yèr, sinonsa zordi, lé pa pèrdi vi ké li pé ansèrv pou out domin sansa lo domin out famiy. Alé ! Ni artrouv pli d’van sipétadyé.