Médame zé Méssyé, la sossyété, dann toute rolijyon do fé néna in gran rol é si zot i sava la vyèrz noir sansa d’ote landroi, zot va oir konbien la bouzi i bril laba : pou la limyère, pou la shalèr épi galman pou tire lo dyab si mi pé dire sa konmsa, é tazantan pou apèl léspri lo mal…

Mé antanssyon, dann toute ladorassion, néna ladorassion pou lo bien, mé néna ossi l’adorassion pou lo mal. La plipar rante nou i koné kossa i vé dir bril in bouzi tète-an-ba. Ni koné sa in manyèr pou tire in vanzanss, pou d’mande Bondyé-sansa lo dyab – pou règ in problème la pèrssone èl – mèm i pé pa réglé. Astèr shakinn i fé sak li trouv bon. Néna déssèrtin i kroi dir konm fèr, lo léfikassité zot linkantassion. In pé i kroi ziss-ziss é in pé i kroi pa inn tyork. Konm i di : mi kroi pa, mé mi méfyé kant mèm.

Alé ! Mi kite azot rofléshi la dsi é ni artrouv pli d’van. Sipétadyé.