Dann in promyé tan Langlétèr la di laba dann bannzil Chagos na pwin bann zabitan an pèrmananss néna arienk in Robinsoné inn-dé vandrédi. Mansonz-la té fé lo pli o possib dann bann zinstitission internassional donk laba New-york dovan l’onu. Olèrk rokonète dopi lo dizuityèm syèk néna shagossien i viv éàpi i travaye laba dann zot péi nata, osinonbsa dann bann péi zot la instal azot pou pi ropartir.

Dann in sèrtènn pèryode kan bann shagossien téi sava Moris ékan zot téi vé rotourn shé zot, lo biro sharjé d’done lo voiyaz téi réponn Chagos lé fèrmé, na pi pèrsone laba. Olivier i rakonte souvan in zour li la vi son momon apré pléré éli la domann la rézon, son momon la réponn ali lé pi possib rotourn Chagos é lila d aèl kan li sar pli gran li va koz avèk méssyé Blan.

Aprésa toute sort brui téi kour dsi Ch agos konm la guèr i sava pété épi lo péi sar détrui. Téi di ossi laba na pi mnzé pouu pèrsone é pou finir la nuite kan pèrsone téi atann pa la anbark demoune dann bato transpor kaka zoizo d’mèr é lo moune la rotrouv ali an égzil-in pé mèm la suissidé. In pé t élojé dann prizon Sésèl. Sé konmsa ké dé-mil pèrsone la rotrouv azo an térin inkonu.

L’avé di ossi nora donn azot in travaye éin mézon konm dann chagos : la vérité bann mézon lété park zanimo é lo travaye l’avé pwin é sé pousa bann madam Shagossien la fouye dann poubèl pou n ouri zot famiye.

Zordi lé shoz lé parèye késtyonn mansonz é bann shagossien l’apré atann laratifikassion in trété rante Maurice épi la GB mé lé shoz i avanss pa réèlman é bann shagossien i pèrde passyans pou atann k’i done azot lo droi pou rotourn shé zot. Biensiri sava dann kouran kontrèr listoir mé bqann shagossien i aspèr lo zour va rokonète zot droi é zour-la a kou sir li v’arivé. Plizyèr mansonz i fé pa in vérité.

A bon antandèr salu.

Justin