Mézami ni kontinyé nout batkaré an parmi bande provèrb La Louiziane. Provèrb-la i pé di konmsa mé avèk in sans pli for : « Sha shodé la pèr lo fré »… Mi pans pa in malfondé la fé léspèryans pou oir si sa lé vré pou vréman, mé alé konète avèk demoune.

Kan ou lété dann in sityassion la mète aou dann danzé — sansa la mète aou sinploman malalèz — é kan sa la marke aou dann kèr, sansa dann out mémoir wi évite bande sityassion k’i rossanb. Défoi i apèl sa linstin la konsèrvassion : in méssaz i di aou tansyon-pangar… Mi pans toulmoune néna konm in disk dir toussala lé marké dossi é lo rapèl lé otomatik. Kroiyé moi !

Alé ! Mi kite azot rofléshi la dsi é ni rotrouv pli d’van. Sipétadyé.

Justin