Si le problèm lété pa grav, noré été prèske risib. Rapèl azot :
o Akte numéro 1.
Dann le déba si la désantrilazasion, le gouvèrnman l’UMP la pa vouli antann ni la popilasion, ni son bann zéli. Pa d’zamandman posib, sinon 49-3...!
o Akte numéro 2.
Chirac i désid pas’ son vakans’ La Rénion. Sat lété pa posib i devyin posib. Le gouvèrnman l’UMP i fé rante an misouk dann la loi in lamandman toute de moune té réklame isi : pa d’transfèr bann TOS san réékilibraz èk bann rézion an France !!
o Akte numéro 3.
Lo zour mèm Chirac i retourn an France, le Konsèy konstitusionèl i shoute le lamandman dépozé an misouk. Le transfèr bann TOS nora bien lié.
o Sène finale.
Chirac la pas’ in bon vakans’ La Rénion, é bann TOS i pé prépar azot pou ardésann dann shomin. Avèk lapui toute la popilasion byin évidaman !!!

Justin