Mézami zordi mi prézante azot ankor in provèrb la Louiziane, mi pans zot i koné in n’ote manyèr pars anplis lo provèrb kréol rényoné mi koné lo provèrb franssé Racine la ropran dann son liv « Les plaideurs » : Tel qui rit vendredi dimanche pleurera.

Kossa sa i vé dir o fète : sa i vé dir dann tan, vandrédi té in zour bande krétyin té trist. Défandi manz la vyande, défandi koz tro for, épi d’ète zoiyé an finnkont. Sa lé vré sirtou pou vantredi sin, mé in pé téi pouss la fantézi pou toute vantredi. Mé sa i romonte in pé dann tan.

Alé ! Mi kite azot rofléshi la dsi é ni artrouv pli d’van. Sipétadyé.

Justin