Èk la rantré, dizon lané i komans an plin moi d’séptanm. Rantré sosial, rantré politik. Ala pa, inn apré lot tout sat i véy fotéy prézidan i lév lo doi pou dir : "Moin sra la an 2007".
Kinm dann monn, siklone i plish akoz lo tan la pou gaté, kinm domoun i mor la fin, kinm domoun i bril dann kaz moulalé forstan sék dann fénoir, kan zot i lév zot doi zot i pans konèt koman lo van i dévir, zot i éklèr konm tout bann roi solèy.
Moin mi di i fo fé in kontra nouvèl anbosh pou tout prézidan, lèss ali in périod “probatoire” dé z’an. Si o bout li la pa mont son gayar, vir.
D’isi-la na in ot périod “probatoire” pou done kozman plitok pou lèv lo doi, pou dire kosa zot i pans olié kisa zot i lé.

Zistin