Poitan zordi lo klima éléktoral la shanjé é noute parti final de konte la devnu pragmatik pou invite toulmoune ansanm pou trèg bann problèm La Rényon. Pou sa, d’apré sak mi antan i mète pa an avan lo problèm institissyonèl, i fé in lanlyz pou bien mète lo doi dsi bann problèm rényoné. An partikilyé dsii sak ni apèl bann voiyan o rouz. Inn fasson d’fèr vèrdir ali.

Par ki ? Par toute sak-forss viv- lé bien plassé pou fèr lanalyz noute sityassion : bann zélu, bann sindika, bann z’assossyassion épi bann parti kalifyé, bann zéksspèr dann la konéssanss la sityassion dan nout epéi. Apré i di : alon fèr in plan pou propoz bann mézir pou mète La Rényon dann la voi d’in dévlopman korèk. Aprésa lé dakor i domann l’éta pou fèr in loi program.

Astèr ni panss sak ni propoz sé in démarsh majeur pars sé nou-bann fors viv-i ékri lo plan – vouli par lo pèp rényoné dann lintéré d’La Réunion. Mi panss pa, sèryèzman, d’ète majeur sé kékshoz pou fé pèr anou.

A bon antandèr salu !

N.B.

Mi kroi pa dann in nouvèl falsifikassion noute volonté. Otroman so kou issi sé bann falsifikatèr sar lo bann pèyèr.