Médame zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo vré masson.

Mézami, kozman-la sa i égziss vréman sa, mé mi doi dir azot mi yème pa li pou vréman. Pou koué ? Pars zot i koné lo blan i done la valèr, mé lo noir i dévalorize. Pou lo sanss, si wi suiv diksyonèr Alain Armand wi pé lir in kozman i sorte dann zistoir Kristian, i di : « Dan blan, kèr noir, lé bon par dovan, lé mové par déyère. ». Mwin pèrsonèlman mi oi lé shoze konmsa : i fé bon figuir mé i trayi aou par déyère.

Anfin shakinn i oi lé shoze son fasson, é sak mi di azot : rofléshi bien dsi sète afèr-la é ni artrouv pli d’van. Sipétadyé.