Konm zot i koné kozman la, sa in kozman La Rényon. Souvan dé foi, lo noir, dann in pé tout lang néna in sans konm in pé i di : « péjoratif » . Dizon sa in vyé diskisyon é ni pé lèss sa pou bann éspésyalis. Dann kozman nou la mark an-o la ni pé dir néna in kontradiksyon rant lo « blan »épi « lo noir » . Dan blan sré plito in sign ou néna bone dan, kèr noir sré plito ké la pèrsone néna mové santiman. Si ou i rogard pli pré, lo dan sé sak ou i oi an promyé kan la pèrsone i rouv la boush : dizon sré plito l’ékstèryèr, l’aparans, la form. Lo dan bien blan i done in zoli sourir. Mé alé konète kosa néna dann kèr d’moun : in moun i pé z’ète gro kèr, kèr maléré, kèr l’artisho é sa la pa bann bone kalité. Alé, mi kite azot rofléshi la dsi é ni artrouv pli d’van. Sipétadyé !