Ala in kozman i doi fé rofléshi anou.Akoz ? Dabor inn, si zot I lir ali bien i diré « lo blan  »I roprézant « lo bon  », é «  lo noir  » i roprézant « lo mal ». I ariv amoin souvan défoi mi bite dsi in kozman épi mi zap ali par raport sé in kozman rasis sanm pou moin é dann in ka konmsa mi lèss ali ousa li lé.

Konbien foi sa l’ariv amoin ?Mi koné pa ozis mé sirman in bonpé foi…Na in pé i sousyé pa po sa, mé lapa mon ka .Dézyèm z’afèr, astèr si ni agard bien lo dan, avèk lo kèr.Lo dan sé sak ou i oi an promyé é mèm si lé blan i vé pa dir la pèrsone néna bon kèr.

Lo kèr sé sak i oi pa é pou nou sé la ké néna bann santiman sak lé bon konm sak lé pa bon :i pé di bonkèr, mé i pé di galman mové kèr, kèr maléré, kèr l’artisho.Lo kèr i pé ète volaz.Si zot i pran diksyonèr somi-lo mo nout bon kamarad Daniel Honoré, la fine pass l’ot koté zordi, zot i pé lir tousala.

An atandan, mi invite azot pou rofléshi dsi nout bann kozman kréol rényoné konm sèk moin la mark an-o la é ni artrouv pli d’van . Sipétadyé !