Pou in kékshoz la spassé néna lontan mi di dabitid dann tan zézikri téi marsh kate pate. Zot i pé ète sir sa i doi komanss a daté sirtou si zanfan Bondyé lé né l’ané zéro, sansa l’ané in. Mé antanssion mwin mi koz konmsa pars mon momon l’aprann amwin la politèss é sirtou d’évite la grossyèzté-sé sak mi fé dabitid. Mi lèss lo kozman « dann tan b… assiz » pou zot antouléka sak la pa pèr korsh son boush an kozan.

Mi sort lir dann diksyonèr Alain Armnd in lékspréssion téi di : »Dann tan zézikri lété gard-sanpète ». Mé o di ossi : « Dann tan la marine a voil. ». Sirman néna d’ote kozman é sirésèrtin zot i koné sa konm mwin mèm i koné.

Alé ! Mi kite azot rofléshir ladsi é ni rotrouv pli dvan, sipétadyé.

Justin