A ! Mi antann déza in pé apré dir lontan téi done kou d’min, koméla kou d’min lé mor dsi in pyé tamarin. Alon arète in pé dir lontan téi fé si, lontan téi fé lq, koméla i fé pi sossi, koméla i fé pi sola.

Pars sa lé pa vré é nout kozman la solidarité, « in min i lav l’ote »lé pli vivan ké zamé. Si lo viv ansanm sé in kozman kaziman ofissyèl, lo « mète ansanm » sé in manyèr viv ansanm pli proférab par rapor lo viv a koté.

Alé ! Mi kite azot pou zordi é ni retrouv pli dvan sipétadyé.

Justin