Koman i di sa dann la lang bann fransé ? Mi koné pa tro mé sanm pou moin i anparl lo l’adiksyon. In l’adiksyon sé kant ou la fine si tèlman abitueu avèk kékshoz, lé dir pou dézabitueu. I paré, i anparl sa pou lo zé, konm pou la boisson, konm pou d’sik é tout z’afèr ni pé dir lé akokinan. Sigarète lé akokinan ! Mé koman ou i fé pou kass avèk so l’akokinman ? Zot i koné néna in pé tout sort de shoz mé a s’ki paré lo pli éfikas sé la volonté. Si ou vé vréman kass avèk so l’akokinman i fo ou la vréman anvi. San la volonté, o ki d’ rézilta. Alé ! Mi lèss azot roflésjhi la dsi é ni artrouv pli d’van sipétadyé.