Dann tan lésklavaz lété sï son finision, i prétan in om dë syans la mont dann sirk Silaos, in dalon noir, té avèk li. La nuit l’arivé, li la kal la kaz in moun lété in lib dë Koulèr. Boug bien zanty i invit ali pou manzé épi pou arpozé ziska landmin. Zis in nafèr i trakas lo boug : dalon lo savan la, té lib sansa té ésklav ? Malizé pou konèt, vik lo dalon té blak, konm lo propriyétèr la kaz té blak ossi.
Alor, li di lo savan : « Votre ami, est-il blanc ou bien noir ? ». Lo savan i réponn ali : « Il est blanc comme nous ! ». Lo boug i arvir : « Si c’est comme cela, il peut venir à table avec nous ! »

Dann nouvo gouvèrnman la Frans, nana in minitr i apèl Hortefeux. Konm li di li mèm, li l’apré roganiz myé limigrasion bann demoun étranz. Li lé dakor pou lo rogroupman bann famy si i réini inn dé kondision : i fo la famy i gingn koz fransé konm ki fo, li koné lo bann loi la répiblik épi lo boug i fé vni son famy nana son pourkoi.
Dann s’kondision la, lo bann famy lé "bienvenue". Dizon, dan s’kondision zot lé blan pou l’bon, zot lé blan koman fèr blan !

*pardon éskiz, sa in zé d’mo.

Justin