In batay sa sé in n’afèr vyolan. Lo fion sé kan ou i fé dé manyèr, ou fé lo zantiy . Zot i konpran dé mo-la i antan pa inn avèk l’ot . Sans prop : ni oi kosa li vé dir.

Astèr, mi domann amoin si nana, konm dann bann provèrb normal, in sans figiré. Kék shoz k’i fé ke lo kozman i kol avèk d’ot sityason. Si nana sé in vré provèrb ; si na poin sé in sinp kozman. Dann la politik osi lé konmsa, i fo ou i afayi out l’advèrsèr : si la pa forséman in batay kou d’poin, kou d’pyé sé kant mèm in lite é la règ nout provèrb i tienbo d’bout, mé mi ariv pa de dir si sé in vré provèrb pou vréman.… in règ lé vré dann plizyèr sityasion.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant ni pé z’ ète tazantan dakor rantre nou.