Mé zami, zot va dir amoin sa in n’afèr lé kriyél é pé sfèr zot va mazine lo provèrb malgash i égzazèr pou vréman. Moin pèrsonèlman, mi diré i pé an av oir inn-dé grinn bébé dann in panyé mayi mé pa tousala. Santiman filyal sa i égzis kant mèm é mi oi pa pou kosa li v’alé kashyète konmsa. Moin néna in kamarad néna in répons pars pou li tout lotèr i tonm dsi bann pyèss raporté : lo bann zanfan sé bon zanfan mél o moun zot lé alyansé zot lé pli intrésé. Pétète lé vré ! Pétète pa ! Néna bon bèl fiy é néna bon zann, mé i ariv dé foi ou néna sirpriz… Mi arète la, mé mi invite kant mèm mon bann léktèr pran prékosyon. Kan néna lo bien an zé ou i koné zamé. Alé ! Mi kite azot rofléshi la dsi é ni artrouv pli d’van. Sipétadyé !