Fésho i komanss fane larlik laba dann gran péi La-Frans. I paré nana nèf moun la désot la vi porézon la giny in kou-d salèr. Oté, demoun la sho, Léta i okip. kinm in vèr delo, la pa in minis va mont anou boir. Là, i fé karnèr, i tant mont legzanp. Somanké banna i komans rant dan la kanpane zéléktoral. Mé la pa po in vèr delo m’a vot po zot.

Dakor i fo songn demoun dann in périod konmsa là. Soman nana in takon zafèr po fé. Done in lozman, done in travay, okip bann pri, défann bann travayèr, aranz la rout, rouv lékol po toulmonn, okip bann san-papié, sobatt po bann plantèr, é konsor. Aprésa, rouv lo kèr dési bann problèm linivèr. Ogard pa soloman Fésho, pran sirtou konsians lo sanzman lo klima, é pran bann bon zabitid po fé bès la polision.
Non foutor, la pa po in vèr delo m’a vot po zot.

Justin