é kèl sanss ni done in kozman konmsa ?

Dabor ni koné in dézorde i ariv par in dézakor. Si dë pèrsone lé pa dakor dsi kékshorz, zot i komanss par diskité, épi lo diskission i dovien dispite, é aprésa dispite i vien bataye.

Sé pou sa la sazèsse kréol i konsèye fèr sanblan d’ète dakor : dir oui sé d’évite in bataye o bou di konte. Dir oui sé évite aou pétète in gran traka.

Mé si ou néna rézon, lé dir rokonète ou na tor é si wi fé in n’afèr konmsa ou lé riskab rogrété… Wi pé kite oute kontradiktèr pou la valèr donk fèr sanblan rokonète li néna rézon… Néna in kozman i di konmsa : « I diskite pa avèk in kouyon, i done ali rézon. ». Si in moune lé antété lé parèye, i f opa tienbo tète pli k’i anfo.

Finalman sé azot de oir si i fo dir oui, sansa si i fo pa.Antouléka sa i mérite réflékssion é ni artrouv pli dvan,sipétadyé.

Justin