Oté

« Dann sak sharbon, ou i pé trouv sharbon é pa pliskésa ! »

In kozman pou la rout

Justin / 29 zwiyé 2019

JPEG - 43.6 ko

Mésyé, Médam, la sosyété, figir azot pandan lontan moin la pans té i pé trouv l’or dann sak sharbon. Pou kosa moin la rèv sa ? Pars moin téi rapèl dann mon bann liv léktir téi trouv toultan bann shoz mirakilèz dann landroi lété pa prévi pou sa. An pliské sa, souvan dé foi, demoun téi rakont l’avé trouv lor dann tèl bitasyon, dann tèl bitasyon arienk an rotournan la tèr avèk in sharu. Si tèlman moin téi viv avèk lidé in zour mi alé bite dsi in kasète ranpli kout pyès an or. Lo tan la pasé, é moin la pa trouv arien... Tousa sé pou dir, dann in sak sharbon i trouv pa la farine, dann in sak féraye i trouv pa bijou. Ni vé, ni vé pa mé toultan konmsa. Mé fransh vérité, tazantan mi kalkil épi mi rèv ankor pétète in zour-i koné zamé !-mi pé trouv in trézor konm moin téi kroi voizin nout bann bitasyon l’avé trouvé. Alé ! Mi kite azot rofléshi la dsi é ni artrouv pli d’van. Sipétadyé !