Mézami, mi panss zot i koné kozman-la konm mi koné épi néna pli lontan ké lontan. Kossa sa i vé dire sanss prope ? Sa i vé dir sinploman kan wi koné oute vyé marmite, wi koné son dégré d’sho, wi koné kansa kari lé kui dodan, kan li l bin roussi san brilé. Wi métrize son koulèr, wi métrize son lodèr.wi koné lo dogré d’kui.

In vyé marmite la poin pou trayi aou.

Mé par l’fète kossa sa i vé dire sanss figuiré ? Pou mwin, sa i vé dire si wi fé dé shoze ou lé abityé avèk, si wi sava pa fé toute sorte kalité téknik wi métrize pa, la shanss sar oute koté, é ou lé sir réissi oute biznèss. La konéssans i vien par in répétitission oute téknik otan d’foi k’i fo pou ariv a fé sa lo zyé fèrmé.

Mé lé pa défandi inové, provi ké la baze lé la. Rèss lo même. Alé ! mi kite azot roflési la dsi é ni artrouv pli d’van. Sipétadyé.

Justin