Mézami, mi panss zot i koné kozman-la, pars mèm si li komanss a daté li lé touzour dann laktyalité. Sanss prop, lé sir wi fé méyèr kari dann in marmite wi koné bien ké dann in marmite nèv ou la pankor fé labitide ansanm. Pars li domann aou lakomodman avan tourn oute kari konm k’i fo. Normal ! Sa lé vré in pé pou toute zafèr.

Mé oila, li néna in sanss kashé a pène voilé é konm mi adrèss amwin in bann léktèr avizé zoinal Témoignages, mi panss pa la tro bézoin éspliké épi la kokineri sa i fé parti la kiltir kréol La Rényon.

Toulfasson, mi lèss zot mazinassion bate karé é ni rotrouv pli d’van, sipétadyé.

Justin