Oté

« Dann vyé ni gèp, zalvéol lé vide »

In kozman pou la rout

Justin / 28 out 2018

JPEG - 43.6 ko

Néna in tan pou gèp fé lo ni. Néna in tan pou la rène ponn. Epizapré in tan pou bann zandète grandi. Pou zot vni gèp z’ot tour. Momandoné pi d’gèp, pi d’zandète, pi d’zèf, arienk in ni vide. Dann tan sa l’avé partou kisoi sou l’toi, kisoi dsi pyédboi, kisoi mm dann trou rosh. Gèp la pila, la fané ; la dsiparète. Kosa la fé, tout lé mor mon fra ? Non tout lé pa mor, pars kan i ariv la sézon, ou i oi bann ni nouvo aparète, insi d’suit, insi d’suit. La pa tousa, nou l’apré parl in provèrb nou la é in provèrb sé kaziman in loi valab pou la sosyété. Dann ka ni lé, sanm pou moin sa i voudré dir in trik konm : « Avan l’èr la pa l’èr, apré l’èr la pi l’èr. ». Donk alé pa rode lé shoz kan la pi la, kan la fine disparète. Alé ! Mi kite azot rofléshi la dsi é ni artrouv pli d’van. Sipétadyé !