Oté

« Dann zyé vyé moun i gingn suiv shomin la vi »

In kozman pou la rout

Justin / 27 octob 2018

JPEG - 43.6 ko

Moin lé sir in pé l’apré domandé kosa kozman - la i vé dir o zis. Mi souvien in zour moin la dmann mon vyé gran-pèr kosa li oi kan li fèrm son zyé a domi. Sèl zafèr li la touv pou dir amoin : li l’apré majiné é kan moin la domann ali kosa li l’apré majiné, li la réponn amoin li l’apré majine koman son vi la éspasé. Donk, i diré li té apré suiv son shominn vi. In kékshoz bien difisil ! Mi di pa lé pa posib mazine dann kèl sityasyon ou lété in zour, tèl èr, tèl androi mé suiv tout out vi par out prop majinasyon mi trouv sa lé difisil… é si moin mèm mi gingn pa par raport mon prop vi, koman in n’ot i pé lir sa dann mon zyé fatigé. An touléka i anpèsh pa éséyé mèm san gagné. In n’éfor sa i ansèrv touzour kékshoz. Alé ! Mi kite azot rofléshi la dsi é ni artrouv pli d’van. Sipétadyé !