(page 16)

Kan in sharèt lé anbourbé dann in rédiyon mal galizé, mié vo avoir in bèf dann le mèm brankar plito k’ dé. Ninportakèl sharoyèr kann i koné sa. Sof aparaman sat lé sharzé kondui le shar léta : Jacques Chirac an pèrsone !

Èk dé promié minis - Dominique de Villepin é Nicolas Sarkozy - pou diriz le mèm gouvèrnman, le shar léta lé pou alé atoulékou an sharèt déviré. Kan ènn va tir wahi, lot va tir zako. Èk dé bèf dann mèm brankar, le soidizan “nouvo linpilsion” i sar tourne an kapotaz kisitèt ! !

La pa èk la korde ou shabouk li na ankor dann son min, Jacques Chirac i konte mèt a lord dé bèf batayèr. Ziz pi, si pou anpèsh ènn voir lot, li rod pou mèt zéyièr si dé bèf-la. Wahiooo..., le bout’ timon i arèt ali, i sar ral ali dann in kapotaz zénéral ! ! !

Justin