In kozman pou la route

« Dë montagn i rankonte pa, dë moune oui ! »

8 out 2025, sanm Justin

Mézami mi koné pa si zot la fine oir dë montagn apré bite inn avèk l’ote. Mi panss pa pars zamé d’la vi in n’afèr konmsa la fine arivé. Mi di pa sa i ariv ar pa zamé mé o-fon sa lé rar konm korn lapin é kan sa i ariv sé dann in tan k ‘i dépass léspéranss de vi d’in umin, mèm plizyèr z’umin é plizyèr zénérassion..

Si kréol i di késhoz konmsa sé pou ménassé ; Ménassé ki pou koué ? i ariv k’in moune i zoué aou in pate koshon é aprésa i disparète. Kissoi pars li doi aou larzan. Kissoi pars la zoué in mové tour oute famiye — étan pti, sansa étan jènn, mwin la antann zistoir in moune i pass son tan a sové, pou pa kélk’in i trape ali.

Mi rapèl in zour in moune la anprète larzan avèk mon gran-pèr é kan l’ariv l’èr pou rann mon gran-pèr la pi vi ali é in zour in kamarade la di avèk mon gran-pèr : « Kossa inn shoz ? Robiss pike o zèrb ! » é mon granpèr la bien konprann la dovinète ;

Alé ! mi kite azot roflèshir la dsi é ni retrouv pli dvan, sipétadyé.

Justin

NB koman lo zistoir la fini ? mi koné pa. Toute fasson sa lé préskri é dopi lo tan néna lontan, lo tan zézikri téi marsh kate pate..

Padport

Signaler un contenu

Inn modékri, inn ti lavi, inn komantèr ?

Témoignages - 82e année

+ Lus


2026 Témoignages