Mézami, si zot l’avé, sansa si zot néna zordi ankor poul dann zot kour san sa dann l’aryèr d’kour, zot i apèrssoi tazantan néna in poul i komanss kouvé.

I pé anpèsh ali, mé si sé in l’anvi d’zanfan ki pran ali, pou kossa va an pèsh ali kouvé. Mé si li sé in poul tradissyonèl, la plipar d’tan, li la ponde dann son ni. Mé antanssyon néna tazantan dé-troi poul pou ponde dann mèm ni. Alor inn va komanss kouvé épi l’ote nora anvi, mé lo pli for va touzour fé kour lo pli fèb pars kan in poul i kouv sé a plin tan é èl i aksèpe pa d’ote i komanss mayé.

Mé kossa sa i vé dir dann la sossyété ni koné ?Ssinploman ké dann in kaze néna in sèl métrèss dan la mézon é sé èl ki komande ladan-sa la pa in n’afèr i partaze é kan i ariv a partazé kalkil in pé sak i éspass dann la tète lo moune.

Mi di pa pliss, mé mi kite azot rofléshi la dsi é ni artrouv pli d’van. Sipétadyé !

Justin