Konm martin ki-kouzi, Michel Vergoz i fini pi répèt : “La Rénion i doi marsh si son dé zanb”. Li fé alizion lékonomi marshan è lékonomi alternatif. Pou le kou, li la poin tor. Mé foutor, poukoué li razoute pa “La Rénion i doi marsh si son dé zanb é..., ropoz ali si la kane” ?!

Lé vré, li déstèst foto d’famy. Li la pa anvi may ali èk niportakèl kaniki. Mé li lété bien oblizé raval son bil, kan li la vi son dalon, Jean-Claude Fruteau, rant dann le ron. Le ron batay toute Rénioné pou lavnir La Rénion !!

Zordi, batay-la lé apépré bien kalé. Sakènn i tien son post. Toute de moune i pous’ dann le mèm sans’. Kan, anplis’, ni koné la Droite èk le PS, mayié ansanm, lé mazoritèr dann la dirèksion l’Europe, ni pé di le konba i prézante, pou le moins’, bien !!!

Justin