Si nou néna in pé la sazèss kréol ni koné in kozman i di konmsa : « Anval in mo sé garde in n’ami. » sa i vé dir a-kontrario konm lé janss bien i di, si wi anval pa lo mo ou lé riskab pèrde in n’ami é wi rann aou konte pli tar.

Poitan la sazèss kréol i done anou in n’ot kozman k’i di : « Avann kozé, tourn sète foi out lang dann out boush, » Sa i lèss lo tan pou rofléshir sakwi sava dir. Sof si dopi lontan ou la fine déssidé ramass in moune-é sa i ariv pli souvan ké ni kroi — donk lé pa itil tourn sète foi son lang dann son boush pars la kouyonade lé préparé dopi lontan.
Alor, mi kite azot rofléshir la dsi é ni retrouv pli dvan sipétadyé.

Justin