Lavé in foi, in mèr : li la pa tyé kouyon pou prann son plas, mé la pa loin. Mèr-la lavé son rival la politik zis an fas lo méri : sèt-la té plito in gro zabo.
I ariv in zéléksyon, lo mèr i pran, dizon, pou travay, in zènn zan soman, son son zézèr si zot i vé, i travay shé lo rival lo mèr, an kontra dé z’an. Séryé-la ! Sré t’i pa léspionaz ?

Lo boug, son gaz la monté, la bat son zanploiyé déor, la rash son dan san di poukoué akoz in loi la droit la voté. So loi i di konmsa, la pa oblizé dir pou kossa ou lisansyé in moun an kontra dé z’an.
Promyé déga kolatéral, promyé koudzok.

Solman, lo patron lo zènn fiy, i tonm in vré sosyalis. Bann sosyalis lété kont so "contrat nouvelle embauche". Donkalor, mi trouv drol, si ou lé kont in n’afèr konmsa, akoz ou ansèrv sa pou ou, pèrsonèl ? Ou sinonsa, ou la poin prinsip, mé lé pétèt sa lo zésplikasion.
Éstèr, gran-gran tribinal i di, CNE la, sa lé pa in bon loi, i fo pa aplik ali tèl-ke-sé. Lé riskab, in dézyèm déga kolatéral, pétèt in proshin koudzok...

La moral ? Sé k’na poinn moral ! Konm mon kamarad i di : « Zéléfan i soubat, zèrb i pran lo shok ! »

Justin