(page 16)

La vèy référandum, pou tourne an karikatir le “non” té monte an flèsh dann sondaz, Giscard d’Estaing lavé mazine in mizansène dann la télé. Èk in zéguiy, li la pik in balon èk in gro “plan B” marké d’si. Sa lété in manièr ridikil pou lo pèr la Konstitision fé dégonf’ le “non” !

Détroi zour apré, rézilta référandum la konfirmé le “oui” lavé poin tro gran soz dann vante, sinon le van. É kan Gisgard té kroi pik le “non”, li la pik le “oui”. Zordi li kontanp le déga ! !

Kikouzi, Giscard la pi tro pou di gran shoz. A mon konésans’, li la fé in sèl dékarasion apré la déroute le “oui”. Non pa pou arkonèt son défète èk son lérèr, sé tro d’mandé in boug osi prétansié. Mé pou remèrsié le minorité Fransé la vote “oui”. La mazorité la voté “non” i pé alé kasiète ! ! !

Justin