(page 16)

Pou obliz anou atoupri vote “oui” référandom éropéin, bann dirizan l’UMP.S. i konte inikman si in soidizan “la rokonésans’ le vante”. "Agard isi, agard laba... l’Europe i done anou tèlman". Konm si nou, ni done pa arien l’Europe, ni amène pa li arien !

Jean-Claude Fruteau, le gran manitou le P.S., la inoguir se politik la pèr. Li la zèt son zargiman “zasièt manzé” konm dot, alépok, té larg filé si zèsklav té sava maron. Sandoute, pou mié atash azot a zot gamèl ! !

Mé le tan lèsklavaz la fini. Partou de moune i kas’ la shène é le “non” i monte an flèsh. Sé le moman shoizi par Jacques Delors, an pèrsone, pou ménasé : "zot nora malokèr si, dimansh, zot i goute ragou le “non”".
Le ragou la soumision le “oui” lé tèlman pli dou ! ! !

Justin